ورق التين

ورق التين هو الشي الوحيد بهالمحل يلي موجود لريحتو مش لشي بيعملو. أخضر وفيه شوي حليبية، وهو ريحة جنينة بالبترون بتموز، وهو بالشغلتين يلي بيحطهن الواحد الصبح.

منعملو نقيع مش مستخلص: الورق بيقعد يوم بزيت اللوز الدافي وبعدين بينشال. المستخلص بيكون أقوى وبيضل أطول بالعبوة، وريحتو بتكون متل ما مختبر بيتخيّل ورق التين.

وهيدا كل شي. ولا ادعاء، ولا نسبة مئوية. موجود لأنو الصبح أحلى معو.